ಆಮ್ಕಾಂ ವಿಶೇಸ್ ಸಕತ್ ಆಸಾ

    ವಿಶಿಷ್ಟ್ ಸಕ್ತೆಚ್ಯಾ ವ್ಯಕ್ತಿಂಚೊ ಆಯೋಗ್ ಕಿನ್ನಿಗೋಳಿ ಹಾಚ್ಯಾ ಆಶ್ರಯಾಖಾಲ್ ‘ಆಮ್ಕಾಂ ವಿಶೇಸ್ ಸಕತ್ ಆಸಾ’ ಮ್ಹಳ್ಳೆಂ ಕರ‍್ಯಾಗಾರ್ ಜುಲಾಯೆಚ್ಯಾ 30 ತಾರಿಕೆರ್ ಆಯ್ತಾರಾ ಇಗರ್ಜಿಚ್ಯಾ ಸಭಾಸಾಲಾಂತ್ ಚಲ್ಲೆಂ. ಪ್ರಾಥ್ನ್ ಗೀತಾ ಸವೆಂ ಕರ‍್ಯಾಗಾರ್ ಆರಂಭ್ ಜಾಲೆಂ. ಆಯೋಗಾಚಿ ಸಂಚಾಲಕ್ ಶ್ರೀಮತಿ ಶರ್ಮಿಳಾ ಪತ್ರಾವೊನ್ ಜಮ್ಲೆಲ್ಯಾ ಸರ್ವಾಂಕ್ ಯೆವ್ಕಾರ್ ಮಾಗ್ಲೊ. ವೆದಿರ್ ಆಸ್‌ಲ್ಲಾö್ಯ ಮಾನೆಸ್ತಾಂನಿ ದಿವೊ ಪೆಟೊವ್ನ್ ಕಾರ್ಯಾಚೆಂ ಉಗ್ತಾವಣ್ ಕೆಲೆಂ. ಕರ‍್ಯಾಚೆ ಅಧ್ಯಕ್ಷ್ ವಿಗಾರ್ ಮಾ| ಬಾ| ಫಾವೊಸ್ತಿನ್ ಲೂಕಾಸ್ ಲೋಬೊ ವಿಶಿಷ್ಟ್ ಸಕ್ತೆಚೆ ವ್ಯಕ್ತಿ ವಿಶೇಸ್ ಜಾವ್ನಾಸಾತ್. ತಾಂಚೆ ಥಂಯ್ ಆಸ್ಚಾ ವಿಶೇಸ್ ಸಕತ್ ಸೊಧುನ್ ಕಾಡುಂಕ್ ತಾಂಕಾ ಕುಮೊಕ್ ಕರಿಜಾಯ್ ಮ್ಹಣ್ ಸಂದೇಶ್ ದಿಲೊ.

    ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಸೈಂಟ್ ಆಗ್ನೆಸ್ ಸ್ಪೆಷಲ್ ಸ್ಕೂಲ್ ಹಾಚಿ ಪ್ರಿನ್ಸಿಪಾಲ್ ಸಿ| ಶ್ರುತಿ, ಶಿಕ್ಷಕಾಂ ಸಿ| ಸುಶಾಂತಿ ಲೋಬೊ, ಸಿ| ತೇಜಸ್ವಿನಿ ಆನಿ ರೀನಾ ಹಾಜರ್ ಆಸ್‌ಲ್ಲಿಂ. ಸಿ| ಶ್ರುತಿ ಹಿಣೆಂ ವಿಶಿಷ್ಟ್ ಸಕ್ತೆಚ್ಯಾ ವ್ಯಕ್ತಿ ವಿಶ್ಯಾಂತ್ ಆನಿ ತಾಂಚ್ಯಾ ಸಮಸ್ಯಾಂ ವಿಶ್ಯಾಂತ್, ಸಂಸಾರಾAತ್ ಆಸ್ಚಾö್ಯ 21 ಥರಾಂಚ್ಯಾ ಡಯಾಬಿಟಿಸ್ ವಿಶ್ಯಾಂತ್ ಮಾಹೆತ್ ದಿಲಿ. ರೀನಾ ಟೀಚೆರಿನ್ ವಿಶಿಷ್ಟ್ ಸಕ್ತೆಚ್ಯಾ ವ್ಯಕ್ತಿಂಕ್ ಸರ್ಕಾರಾ ಥಾವ್ನ್ ಆಸ್ಚಾö್ಯ ಸೌಲಭ್ಯಾಂ ವಿಶಿಂ ಮಾಹೆತ್ ದಿಲಿ.

    ಸಹಾಯಕ್ ವಿಗಾರ್ ಮಾ| ಬಾ| ವಿವೇಕ್ ದೀಪಕ್ ಪಿಂಟೊ, ಮೇರಿವೆಲ್ ಕೊವೆಂತಾಚಿ ವ್ಹಡಿಲ್ನ್ ಸಿ| ಪ್ರೇಮಲತಾ, ಫಿರ್ಗಜ್ ಉಪಾಧ್ಯಕ್ಷ್ ವಿಲಿಯಂ ಡಿಸೋಜ, ಕರ‍್ಯದರ್ಶಿ ಮೈಕಲ್ ಪಿಂಟೊ, 21 ಆಯೋಗಾಂಚೊ ಸಂಚಾಲಕ್ ನವೀನ್ ಡಿಕೋಸ್ಟ ಹಾಜರ್ ಆಸ್‌ಲ್ಲೆ. ಕು| ಅಲೋಮಾ ಪತ್ರಾವೊನ್ ಕರ‍್ಯನಿರ್ವಹಣ್ ಕೆಲೆಂ. ಶ್ರೀಮತಿ ಶಮೀನ ಕ್ರಾಸ್ತಾನ್ ಧನ್ಯವಾದ್ ಪಾಟಯ್ಲೆಂ. ಹ್ಯಾ ಕರ‍್ಯಗಾರಾಂಕ್ ಸುಮಾರ್ 120 ಜಣ್ ಹಾಜರ್ ಆಸ್‌ಲ್ಲೆ.